Devfest Armenia 2021 in Vanadzor

Devfest Armenia 2021 in Vanadzor

DevFest Armenia 2021 տեխնո-կոնֆերանս Վանաձորում հոկտեմբերի 16-ին

Devfest-ը ամենամյա տեխնոլոգիական կոնֆերանս է, որն ամեն տարի անց է կացվում ամբողջ աշխարհի Google Developer Group (GDG) համայնքների կողմից՝ ներգրավելով Google-ի տեխնոլոգիաներով հետաքրքրված հազարավոր մասնակիցների։

Հայաստանում DevFest կոնֆերանսները կազմակերպվում են GDG (Google Developer Group) Yerevan համայնքի կողմից՝ սկսած 2012 թ․-ից։

Devfest Armenia 2021 tech conference in Vanadzor
Devfest Armenia 2021 tech conference in Vanadzor Technology Center. Event organized by GDG Yerevan community (Google Developer Group Yerevan)

 

GDG Yerevan – Google Developer Group համայնքը կարևորում է հայկական տեխնոլոգիական ոլորտի զարգացման համաչափությունը Հայաստանի բոլոր մարզերում, այդ պատճառով մենք յուրաքանչյուր տարի փորձելու ենք կազմակերպել տարվա ամենակարևոր Google կոնֆերանսը Երևանից դուրս՝ ներգրավելով ոլորտի լավագույն մասնագետներին և թույլ տալով նրանց ներկայացնել իրենց տեսլականներն ու մասնագիտական փորձը մարզային խոշոր քաղաքներում։

Այս տարվա DevFest կոնֆերանսը Հայաստանում տեղի կունենա արդեն 9-րդ տարին անընդմեջ՝ 2021թ․ հոկտեմբերի 16-ին Վանաձորի Տեխնոլոգիական Կենտրոնում (VTC)։ Երևանից դուրս միջոցառումը կազմակերպելու նպատակն է՝ տեխնոլոգիական ոլորտի միջոցառումների ապակենտրոնացումն ու տեխնոլոգիական ակտիվության դիվերսիֆիկացիան Հայաստանի մարզերում։

Software development
Իր բովանդակությամբ այս տարվա DevFest Armenia 2021 կոնֆերանսը ներառում է այնպիսի թեմաներ, ինչպիսիք են՝ մեքենայական ուսուցում և արհեստական բանականություն, Google Cloud Platform, Android, Kotlin, Flutter, ինչպես նաև թեմաներ՝ կապված տեխնոլոգիական բիզնեսների առաջխաղացման, ներդրումների ներգրավման, ՏՏ կրթության և կարերիայի աճի, ինչպես նաև նախագծերի կառավարման հետ

Իր բովանդակությամբ այս տարվա DevFest Armenia 2021 կոնֆերանսը ներառում է այնպիսի թեմաներ, ինչպիսիք են՝ մեքենայական ուսուցում և արհեստական բանականություն, Google Cloud Platform, Android, Kotlin, Flutter, ինչպես նաև թեմաներ՝ կապված տեխնոլոգիական բիզնեսների առաջխաղացման, ներդրումների ներգրավման, ՏՏ կրթության և կարերիայի աճի, ինչպես նաև նախագծերի կառավարման հետ։

Նշված թեմաներով կլինեն ներկայացումներ ինչպես տեղացի, այնպես էլ արտասահմանից հրավիրված մասնագետների կողմից։ Ներկայացումներին զուգահեռ կլինեն նաև արդեն ավանդական դարձած պանելային քննարկումներ՝ կապված տեխնոլոգիական ոլորտներում տենդենցների, մասնագիտական աճի և կրթական համակարգերի հետ։ Միջոցառմանը կներգրավվեն տեղացի և արտերկրից ժամանած 20-25 խոսնակներ և պանելիստներ։

Միջոցառումը նախատեսված է ինչպես սկսնակ, այնպես էլ հմուտ ծրագրավորողների, վեբ, մոբայլ և թվային տեխնոլոգիաների ոլորտի մասնագետների և ուսանողների համար։

Միջոցառման մասնակցությունն անվճար է բոլորի համար: Գրանցվելու համար այցելեք www.devfest.am:

Երևանից Վանաձոր մեկնող մասնակիցները կարող են օգտվել նաև անվճար տեղափոխման հնարավորությունից, որի համար գրանցման հարցաթերթիկում անհրաժեշտ է նշել համապատասխան նշավանդակը։

Devfest Armenia 2021 in Vanadzor
Devfest-ը ամենամյա տեխնոլոգիական կոնֆերանս է, որն ամեն տարի անց է կացվում ամբողջ աշխարհի Google Developer Group (GDG) համայնքների կողմից՝ ներգրավելով Google-ի տեխնոլոգիաներով հետաքրքրված հազարավոր մասնակիցների

DevFest միջոցառումներին ամեն տարի մասնակցում է 300-400 մասնակից։ 2021-ի միջոցառմանը ակնկալում ենք մինչև նույնքան մասնակից, լայն լուսաբանում և թեժ պանելային քննարկումներ տեխնոլոգիական տարբեր թեմների շուրջ։ DevFest 2019 միջոցառմանը մասնակցել է 320 մասնակից։ 2019թ․ միջոցառման մասին կարող եք տեղեկանալ այստեղ՝ https://devfest.am/2019

Devfest միջոցառումներն ամբողջ աշխարհում խրախուսվում և մասնակի հովանավորվում են Google ընկերության կողմից։ DevFest Armenia 2021 Միջոցառման գլխավոր գործընկերներն են EPAM Armenia ընկերությունն ու Վանաձորի Տեխնոլոգիական Կենտրոնը (VTC)

Միջոցառման մասին ամփոփ տեղեկություններ

🔗 Միջոցառման տեսակը՝ կոնֆերանս
📆 Երբ՝ հոկտեմբերի 16, 2021թ․
🔌 Կազմակերպիչ՝ Google Developer Group (GDG) Yerevan
🔌 Կազմակերպչական գործընկերներ՝ Վանաձորի Տեխնոլոգիական Կենտրոն (VTC)Ձեռնարկությունների Ինկուբատոր ՀԻմնադրամ (EIF)
🔦 Գլխավոր հովանավորներ՝ GoogleEPAM Armenia
✅ Վայրը՝ Ք․Վանաձոր, Շինարարների 12 – VTC (Վանաձորի Տեխնոլոգիական Կենտրոն)
🗒 Մասնակցությունը՝ անվճար
🔑 Միջոցառման էջը Ֆեյսբուքում >
🌐 Մասնակիցների գրանցման էջ >
🌐 Պաշտոնական կայք՝ devfest.am

Միջոցառման վայրը քարտեզում