Չինացիները յուրահատուկ ազգ են, ովքեր միշտ առաջընթացի մեջ են: Ընդ որում, այդ առաջընթացը բոլոր ուղղություններով է և միաժամանակ. տեխնիկա, գիտություն, բժշկություն, ինժեներիա: Հիմա էլ նրանք ամբողջ աշխարհին հայտարարում են, որ աշխատանքներ են տարվում գերարագ գնացքի և նրա համար նախատեսված մակերեսի ստեղծման ուղղությամբ:
Որտեղից այսպիսի հզորություն
Շուտով չինական գնացքները արագությամբ կսկսեն մրցակցել ինքնաթիռների հետ: Համաձայնեք, որ 600-1000 կմ/ժ արագությամբ ընթացող գնացքը կատակ-բան չէ: Ընդ որում, հիշեցնենք, որ ներկայումս գնացքների ամենամեծ արագությունը 350 կմ/ժ-ն է: Ի դեպ, դրանք ևս չինական ինժեներիայի ստեղծածն են: Այդ գնացքները արդեն մի քանի տարի շարունակ հաջողությամբ երթևեկում են Չինաստանի Ժողովրդական Հանրապետության խոշոր մեգապոլիսներով:
Սակայն արագ տեմպերով զարգացող Չինաստանին նրանց հզորությունն էլ արդեն չի բավարարում: Չեն փրկում ոչ միառելս ճանապարհները, ոչ էքսպրեսս-գնացքները: Այդ պատճառով նրանք ստիպված են ստեղծել այնպիսի մի բան, որով հնարավոր կլինի բեռնաթափել այս երկրի տրանսպորտային համակարգը:
Նոր սերնդի գնացքները արագություն կզարգացնեն մագնիսական լեվիտացիայի ուժի հաշվին: Արդյունքում, վագոնները բացառիորեն կճախրեն ռելսերի վրա: Յուրօրինակ մագնիսական բարձը նվազագույնի կհասցնի շփումը, որով էլ հենց պայմանավորված է արագության բնութագիրը: Դրա շնորհիվ՝ մեկնարկից արդեն մի քանի վայրկյան անց գնացքը կարող է զարգացնել 350-400 կմ/ժ արագություն, դե իսկ դրանից հետո 1000 կմ/ժ-ի չհասնելը մեղք կլինի:
Ով է մրցակիցը
Այլընտրանքային տրանսպորտային միջոցի ստեղծման անհրաժեշտությունը հատկապես զգալի է Պեկինի, Շանհայի, Գուանչժոուի և այլ խոշոր մեգապոլիսների միջև տրանսպորտային ծանրաբեռնվածության օրինակը ուսումնասիրելիս, որտեղ արդեն իսկ հիմա տրանսպորտը գերծանրաբեռնված է 20-25 %-ով:
Սակայն աշխարհի մյուս առաջատար տերությունները ևս հասկանում են, որ նման գերարագընթաց գնացքի ստեղծումը կարող է լուծել մի շարք կարևոր հարցեր տրանսպորտային լոգիստիկայի ոլորտում: Այդ երկրներից են ԱՄՆ-ն, Գերմանիան, Ճապոնիան: Վերջինս, ի դեպ, խոստացել է այս տարվա վերջին ցուցադրել իր արագընթաց գնացքը:
Սիրարփի Թելիմյան ∙ BizNet.am մեդիա բլոգի հոդվածագիր
ℹ Սիրարփին ֆրիլանս լրագրող է, արդեն 10 տարի լուսաբանում է բիզնես և տուրիստական ոլորտի վերլուծական թեմաներ տարբեր լրատվական և վերլուծական ռեսուրսների համար
☑ Twitter ☑ Linkedin
Լուսանկարները՝ Envato Elements
