Հայկական 10Web ընկերությունը 2 մլն դոլար ներդրում է ներգրավել Սիլիկոնյան Հովտից
10Web հարթակի հիմնադիր և Krisp ընկերության համահիմնադիր Արտավազդ Մինասյանը իր ֆեյսբուքյան էջում հայտնել է 10Web-ի կողմից 2 մլն դոլար ներդրման ներգրավման մասին՝
«Հայկական 10Web ընկերությունը ներգրավել է 2 մլն դոլար ներդրում Սիլիկոնյան Հովտի վենչուրային ֆոնդերից:10Web-ը արհեստական բանականության օգնությամբ ավտոմատացնում է վեբ կայքերի ստեղծման, հոստինգի և արագության օպտիմիզացիայի աշխատանքը։
Ներդրող ֆոնդերն են՝ Sierra Ventures և AI Fund: Ի դեպ Sierra Ventures-ը նաև Կրիսպի առաջին ներդրողներից է, իսկ AI Fund-ի հիմնադիրը մեքենայական ուսուցման հայտնի պրոֆեսոր և Coursera-ի հիմնադիր Andrew Ng-ն է։
10Web պլատֆորմը ամբողջովին նախագծվել և ստեղծվել է Հայաստանում։ Ավելին մարկետինգի, վաճառքի և հաճախորդների սպասարկման թիմը ևս Հայաստանում է։
Սիլիկոնյան Հովտի ֆոնդերը ներդրել են 10Web -ում՝ հավատալով թիմին և արհեստական բանականությամբ վեբ ծրագրավորման խնդիրները լուծելու տեսլականին։ Իհարկե, նման խնդիրներ լուծող ընկերությունը ունի մեկ միլիարդանոց բիզնես դառնալու մեծ պոտենցիալ։»
10Web հարթակի հնարավորությունները կարող եք ուսումնասիրել www.10web.io կայքում >
10Web հայկական ընկերությունը մշակել է WordPress վեբ կայքեր պատրաստելու ավտոմատացված հարթակ, այն հիմադրել են 2017թ․ հոկտեմբերի 10-ին Արտավազդ Մինասյանը, Սերգեյ Մարկոսյանն ու Արմեն Սաղաթելյանը։
Վարդան Պապիկյան
BizNet.am բովանդակության մենեջեր և հոդվածագիր
Բիզնես և հայ-թեք թեմաներով հոդվածների մշակում և ձևավորում սկսած 2012-ից
Twitter | Linkedin
